မိဘိတ် နဲ့ ပတ်ဘေပတ်တာ

မမရွှေစင်ဦးရဲ့ စာတော်ဖတ်ခင်ခင် ပို့စ်ဖတ်ပြီးတော့ (ဒီပို့စ်က ရေးနေတာ မမရွှေစင်ရဲ့ ကျေးဇူးပါဖေဖေ ဆိုတဲ့ မမရဲ့ဖေဖေမွေးနေ့ပို့စ်ပြီးထဲက ရေးနေတာ။ ဒီလောက်ဆို ပူးတေ ဘယ်လောက်စာရေးမြန်လဲ သိပြီပေါ့နော်း) ) မမရွှေစင်တို့ဖေဖေက အိမ်မှာခိုင်းမယ့်လူငှားတာ စာဖတ်တတ်တဲလူပဲ ငှားခဲ့မှာပဲလို့ စဉ်းစားမိယင်း ပူးတေတို့ အိမ်မှာတော့ ပူးတေမှတ်မိတဲ့ အရွယ်ကစပြီးတော့ နေသွားတဲ့ အိမ်ဖော်တွေအားလုံးကို ပူးတေငယ်ငယ်က မတတ်တခေါက်သင်ပေးခဲ့တာတွေ မှတ်မိနေတယ်.. အဲဒီထဲက ပူးတေမှတ်မိတဲ့ မိဘိတ်ဆိုတဲ့ မော်လမြိုင်ဘက်က ကောင်မလေးအကြောင်းပြောပြချင်တာပါ....

သူက ပူးတေထက် ၃ ၄ နှစ်လောက်ကြီးမယ်ထင်တယ်။ ပူးတေ ၅ တန်း နဲ့ ၆ တန်း ၂ နှစ်လောက် ပူးတေတို့အိမ်မှာနေသွားတယ်။ သူတို့နယ်ကလူတွေက မွေးနေ့အသေချာလဲ မသိကြတော့ ဘယ်နှနှစ်လဲ သူတို့ ကိုယ်တိုင်မသိကြဘူး။ မိဘတွေကလဲ ကလေးတွေအများကြီးမွေးထားတော့ မမှတ်မိကြဘူးလေ.. သူ့နာမယ်က မိဘိတ်တဲ့။ အစကတော့ မိဘိတ်ဆိုတော့ တိုင်းရင်သားမျိုးနွယ်တခုခုက ပေးတဲ့နာမယ်ထင်နေတာ။ နောက်မှ လာပို့တဲ့ ပွဲစားကိုမေးကြည့်တော့ သူ့အမေက ကလေးတွေအများကြီးမွေးတာ သူ့ကျတော့ နောက်ဆုံး ဘိတ်ဆုံးဆိုပြီး မိဘိတ်လို့ ပေးလိုက်တာတဲ့။ ဒါပေမယ့် သူ့အောက်မှာ မောင်နှမ ၂ ယောက်လား ၃ ယောက်လားပဲမသိ ထပ်မွေးသေးတယ်။ ဒါနဲ့ပဲ သူက သူများတွေ အိမ်မှာအလုပ်လုပ်ဖို့ ရွာကလူတွေနဲ့ အပို့ခံရတော့တာပဲ။

သူ့ကို ပူးတေမှတ်မိနေတာက သူက လိမ္မာတယ်... လူကြီးတွေကိုလဲ ကလန်ကဆန်ပြန်မလုပ်တတ်ဘူး။ ပူးတေတို့လို ကလေးတွေနဲ့ဆိုလဲ လူကြီးတွေရှေ့မှာတမျိုး ကွယ်ရာမှာတမျိုး မဆက်ဆံတတ်ဘူး။ အိမ်ကလဲ သူ့ကို ကောင်းကောင်းမွန်မွန်ထားတော့ သူက ပူးတေတို့ အိမ်မှာပျော်တယ်။ ပူးတေကတော့ အိမ်မှာ လူသစ်ဘယ်နှစ်ယောက်လာလာ ပူးတေအလုပ်က သူတို့ကို စာသင်ပေးတာပဲ။ ဘယ်သူမှ တာဝန်ပေးတာမဟုတ်ဘူး။ ပူးတေသင်ပေးချင်လို့ကို သင်ပေးတာ။ ပူးတေသင်ပေးခဲ့တဲ့ လူတွေထဲမှာ သူတယောက်ပဲ စာကို စိတ်ဝင်တစားလိုက်သင်တယ်..သူက ရွာပြန်ရင် သူ့သူငယ်ချင်းတွေက စာမဖတ်တတ်ပဲ သူဖတ်တတ်တယ်ဆိုရင် သူ့သူငယ်ချင်းတွေကို သူတတ်တာတွေ ဖတ်ပြမယ်ပေါ့။ အဓိကက သူကရုပ်ရှင်တွေ ကြိုက်တယ်.. အဲဒီအချန်တုန်းက ရဲကိုကိုနဲ့ လင်းဇာနည်ဇော်ကားတွေ နောက် နေသူရဦးလားမသိဘူး သူတို့ဇာတ်ကားတွေ ခေတ်စားနေတာ။ သူက အဲဒီဇာတ်ကားနာမယ်တွေကို ဖတ်တတ်ချင်တယ်..ရွာပြန်ရင် သူငယ်ချင်းတွေကို ဖတ်ပြပြီး ကြွားချင်တယ်။

ပူးတေတို့အိမ်မှာက အဲဒီအချိန်ထဲက အစ်မဝမ်းကွဲ၂ ယောက်နဲ့ အစ်ကို ဝမ်းကွဲ ၃ ယောက်က ဂျပန်က ပြန်လာခါက၊ အစ်ကိုတယောက်က အမေရိကားက ပြန်လာခါစ ဦးလေးအငယ်နဲ့ အဒေါ်အငယ်နဲ့က စင်္ကာပူမှာ သွားလိုက်ပြန်လိုက်နဲ့။ ပြောရရင် သူတို့တွေက နိုင်ငံခြားမှာနေလာပြီးတော့ သူတို့အချင်းချင်းပြောရင် အင်္ဂလိပ်လိုပြောတယ်...ပူးတေတို့ ကလေးတွေနဲ့ဆိုရင် အင်္ဂလိပ်စကားကို ညှပ်ညှပ်ပြီးပြောတယ်။ တခါတော့ အစ်မဝမ်းကွဲတယောက်ရဲ့ မွေးနေ့ ဇန်နဝါရီလမှာ အဲဒီ နိုင်ငံခြားပြန် အစ်ကိုဝမ်းကွဲတွေ အစ်မဝမ်းကွဲတွေ ဦးလေးအငယ် အဒေါ်အငယ်တွေနဲ့ ကျန်တဲ့ ညီအစ်ကို မောင်နှမဝမ်းကွဲတွေ စုစုပေါင်း ၁၈ ယောက် ကျိုက်ထီးရိုးသွားကြတာ။ ခိုင်းတဲ့ လူက ပူးတေတို့အိမ်က မိဘိတ်ရယ်.. အဲဒီအစ်မအိမ်က ကားမောင်းတဲ့ ဦးလေးကြီးရယ်.. သူတို့ပါကေးစက်ရုံမှာ အလုပ်လုပ်နေတဲ့ ၁၀ တန်းကျောင်းသား အစ်ကိုကြီး တယောက်ရယ် ၃ ယောက်ပါတယ်။ ဆွေမျိုးတွေက ၁၅ ယောက်ပေါ့။ ပူးတေက အငယ်ဆုံး ၆ တန်း။ ပူးတေပြီးရင် မိဘိတ်ထင်တယ်။ ပြီးမှ အစ်မဝမ်းကွဲ ၉တန်းကျောင်းသူက အငယ်၊ ကျန်တာတွေက နိုင်ငံခြားပြန်တွေ၊ ခဏပြန်လာသူတွေ၊ သူတို့ရဲ့ သူငယ်ချင်းတွေနဲ့။

အဲဒီတုန်းက ကားနဲ့တက်တဲ့လမ်း ကျိုက်ထီးရိုးမှာ မရှိသေးဘူး။ လမ်းလျောက်တက်ကြတာ။ ၁၈ ယောက်အဖွဲ့ဆိုပေမယ့် ၄ ယောက်တတွဲ ၅ယောက်တတွဲနဲ့။ ပူးတေက ကလေးဆိုတော့ အပေါ့အပါးက ခဏခဏသွားချင်တာ။ သွားချင်တိုင်း ပူးတေက အဲဒီဂျပန်က ပြန်လာတဲ့ အစ်မကို သူနဲ့ပူးတေနဲ့ ဝေးနေလဲ လှမ်းလှမ်းအော်တာ..အိမ်က သူနဲ့အပ်လိုက်တာလေ။ ဘာဖြစ်ဖြစ် မမကြီးကိုပြောနော်... နေမကောင်းလဲ မမကြီးကိုပြော၊ ဗိုက်ဆာလဲပြောဆိုပြီးမှာလိုက်တာ။ မမကြီး မီးမီး အီးအီးပါချင်တယ် အိမ်သာရှာပေးနဲ့ မမကြီး မီးမီးရှူးပေါက်ချင်တယ် ဆိုပြီး။ သူတို့တွေက အဲဒီအချိန်တုန်းက အသက် ၂၃ နှစ် ၂၅ နှစ်ပါတ်ဝန်းကျင်တွေ ချောလဲချောတာကိုး (ကိုယ့်ငါးချဉ် ကိုယ်ချဉ်တာမဟုတ်ပါဘူး)။ အဲတော့ တောင်ပေါ်ကို တူတူတက်နေတဲ့ ဘေးကအဖွဲ့တွေက သူတို့တွေကို ငမ်းနေကြတာ။ ဘယ်မှာတည်းမှာလဲ။ တည်းဖို့နေရာရပြီလားလုပ်နေကြတုန်း ပူးတေက အဲလိုကြီးထထအော်တော့ သူတို့တွေက ရှက်တယ်ထင်တယ်။ ပူးတေကို အနားနားခေါ်ပြီးတော့ "မီးလေး နောက်တခါ ရှူးရှူးပဲ ပေါက်ချင်ချင် အီးအီးပဲ ပါချင်ချင် အ်ိမ်သာသွားမယ် အီးပါမယ် မပြောနဲ့တဲ့။ မမကြီး မီးမီး လတ်ထရိန်(Latrine) သွားချင်တယ်" လို့ပြောတဲ့။ ဒါကို မိဘိတ်ကလဲ လိုက်မှတ်ထားတယ်...တလမ်းလုံး ဒီလိုပဲ ပြောလာကြတာပေါ့။ ပြီးတော့ အဲဒီအချိန်တုန်းက လူရွှင်တော်ကျော်ထူးတို့ ဧရာတို့ထင်တယ်။ မြန်မာ့အသံမှာ အငြိမ့်ပျက်လုံးပျက်တာ။ ကျော်ထူးက တပ်သားလေး ဧရာက စစ်တပ်မှာ ရိက္ခာပေးတဲ့လူ... ကျော်ထူးက waste paper မရလို့မကျေနပ်တာကို တပ်ကြပ်ကြီးဆီမှာ waste paper(အိမ်သာသုံးစက္ကူ) ကို ဝက်ဆီပတ်မရလို့ ဆုပြီးသွားတိုင်တာထင်တယ်။(သိပ်တော့ မသေချာတော့ဘူး) အဲဒီအချိန်ကစလို့ မောင်နှမဝမ်းကွဲတွေကြားမှာ waste paper ကို ဝက်ဆီပတ်လို့ ခေါ်တဲ့ပျက်လုံးက ခေတ်စားသွားတာ၊ ဒါကို မဘိတ်က မသိဘူး။ အိမ်သာသွားခါနီးဆိုပူးတေက မိဘိတ်ကို ဝက်ဆီပတ်သွားယူပေးဦးလို့ပြောတာ။ သူသိမယ်ထင်လို့။ သူက မမကြီးကို မမကြီးရေ သတ်သတ်လွတ်စားရမှာကို ပူးတေက ဝက်ဆီပတ်တွေ ကျိုက်ထီးရိုးယူလာတယ်ဆိုပြီးတိုင်ပြောတာ။ မမကြီးတို့အဖွဲ့တွေဆိုတာ ရီလိုက်ကြတာ မပြောနဲ့တော့။ ကျိုက်ထီးရိုးကနေ အိမ်ပြန်ရောက်ကြတော့ မိဘိတ်က မမကြီးတို့ ပြောတာတွေကို သူက အတုယူလာတာ။ မေမေက သူ့ကို အဝတ်တွေ ရေသွားစိမ်ထား ဟင်းချက်ပြီးရင် အတူတူ လျော်မယ်ဆိုပြီးသူ့ကိုခိုင်းထားတာ။ မေမေဟင်းချက်ပြီးလို့  အဝတ်တွေ ရေမစိမ်ရသေးတော့ စိတ်တိုပြီးခေါ်တာ။ မိဘိတ် လာဦး။ အဝတ်ရေစိမ်ခိုင်းထားတာ ခုထိဘာလို့မစိမ်သေးတာလဲလို့ မေးလိုက်တာ။ လတ်ထရိန်မအားသေးလို့တဲ့။ ဒါနဲ့ မေမေက အဝတ်ရေစိမ်ခိုင်းတာ လတ်ထရိန်နဲ့ ဘာဆိုင်လို့လဲဆိုတော့ လတ်ထရိန်ထဲမှာ အန်တီလေးက အဝတ်လျော်နေလို့တဲ့။ :P အမှန်က အန်တီလေး (မေမေ့ညီမ အငယ်ဆုံး)က သူ့အင်္ကျီ အဖြူတွေကို ရေချိုးခန်းထဲမှာ လျော်နေတာ။ အိမ်ကအိမ်သာခန်း (toilet)က ဘယ်သူမှလဲမသုံးဘူး။ အားတယ်။ သူက ဘယ်လိုဘယ်လို ရေချိုးခန်းနဲ့ အိမ်သာမှားတယ်မသိဘူး။ ကျိုက်ထီးရိုးမှာတုန်းကလဲ ဘယ်သူကမှ လတ်ထရိန်သွားမယ်ပြောပြီး ရေချိုးခန်းမသွားခဲ့ကြဘူးလို့တော့ ထင်တာပဲ။ :)

မေမေက အိမ်လာတဲ့လူတိုင်းကို ဘုရားစာ သင်ပေးလေ့ရှိတယ်။ မေတ္တာပို့၊ သံဗုဒ္ဓေ၊ အစရှိသဖြင့် သူတို့ ဥာဏ်မှီရင်မှီသလောက်၊ ဥာဏ်လုံးဝမမှီတဲ့လူဆိုလဲ ပုတီးစိပ်ဝယ်ပေးပြီးတော့ အရဟံ အရဟံဆိုပြီး ပုတီးစိပ်ခိုင်းတယ်။ အရဟံတောင်မမှတ်မိတဲ့လူတွေ ပူးတေအိမ်မှာတွေ့ဖူးခဲ့တယ်။ ဒါဆိုမေမေက ဗုဒ္ဓေါ ဗုဒ္ဓေါ ဆိုပြီး စိပ်ခိုင်းတယ်။ အဲဒီ ဗုဒ္ဓေါ မှ မမှတ်မိရင်တော့ ဘုရား ဘုရားဆိုပြီးတော့ ဘုရားတခါပြီးရင် ပုတီးတလုံးချခိုင်းပြီး ပုတီးစိပ်ခိုင်းတယ်။ မေမေ့ရည်ရွယ်ချက်ကတော့ သူတို့လေးတွေ တနေ့ကို ကုသိုလ်ကောင်းမှုနည်းနည်းဆီရသွားအောင်လို့တဲ့။ မိဘိတ်ကျတော့ ပင်ကိုဥာဏ်ကကောင်းတယ်။ အကုန်မှတ်မိတယ်။ ပူးတေတို့နဲ့ ညတိုင်း ည၈နာရီဆို ဘုရားတူတူ ရှိခိုးလို့ရနေပြီ။ သြကာသတော့ ကောင်းကောင်းရတယ်။ ဒါနဲ့မေမေက နောက်တဆင့်တက်ပြီးတော့ မေတ္တာပို့တာတွေ သင်ပေးနေတာ။ မေမေအဲဒီအချိန်တုန်းက မိဘိတ်ကို သင်ပေးတာက
သဗ္ဗေသတ္တာ ဝေနေယျာ ချမ်းသာကိုယ်စိတ် မြဲပါစေ
မိဘနှစ်ဖြာ မြတ်ဆရာ ချမ်းသာကိုယ်စိတ်မြဲပါစေ .....ဆိုတဲ့ မေတ္တာပို့။

အဲဒီမေတ္တာပို့ စသင်ခါစ ၁ပတ်လောက်ပဲရှိသေးတယ်ထင်တယ်။ မေမေတို့တောင်ဘာမှ ကြိုမသိဘူး။ မိဘိတ်ကို ပို့ထားတဲ့ ပွဲစားက တနေ့ နေ့လည်ခင်းကြီး ဗြုန်းဆိုရောက်လာတယ်။ ပူးတေတို့တွေက နေ့လည်ခင်း ကျောင်းပိတ်လို့ မေမေအိပ်ခိုင်းလို့ အိပ်နေရတာ။ မိဘိတ်က ပူးတေကို လာနှိုးတယ်။ သူ ရွာပြန်ရတော့မယ်တဲ့ ။ ပူးတေလဲ  ပထမတော့ကြောင်တောင်တောင်နဲ့ အိပ်ချင်မူးတူး။ နောက်မှ သူ့ကို ပေးမယ့်ပစ္စည်းတွေ လိုက်ရှာပြီး အတင်းထည့်ပေးနေတာ။ အဓိကက သူအရမ်းကြိုက်တဲ့ ရဲကိုကိုတို့ လင်းဇာနည်ဇော်ပုံတွေ၊ သူ့အတွက် မမကြီးတို့ မမလေးတို့ ဝယ်ပေးထားတဲ့ မိတ်ကပ်တွေ(မေမေက အိမ်မှာနေရင်း မိတ်ကပ်တွေပြင်တာ မကြိုက်လို့ သိမ်းထားတာတွေ)။ အဲဒါတွေ သတိရသလောက်ထည့်ပြီးတော့ သူက အဝတ်အစားလဲ။ မျက်နှာကို သနပ်ခါးလူးရတာ။ မေမေကလူးခိုင်းတာ မှတ်မိသေးတယ်။ သူ့အဝတ်စားတွေထည့်ဖို့ မေမေက စာကလေးခြင်း(အဲဒီခေတ်က ခြင်းတောင်း၊ လေးဘက်လေးတန် လုံနေလို့ စာကလေးခြင်းလို့ခေါ်တာထင်တယ်။ ပူးတေတို့ ကျောင်းသွားရင် အသေးလေး၊ သူ့အတွက်က မေမေက အိမ်မှာရှိတဲ့ ခြင်းအကြီး) ပေးလိုက်တယ်။ အဲဒီခြင်းကို ပူးတေတို့တွေ တခါတလေ ကြောင်လေးတွေ ဖမ်းပြီးထည့်ရင်တောင်မှ ကြိုက်တာမဟုတ်ဘူး။ အဲဒီနေ့က ပူးတေတို့ တအိမ်လုံး မိဘိတ်ပြန်မယ်ဆိုလို့ ဝမ်းနည်းနေတယ်။ မေမေကလဲ စကားသိပ်မပြောဘူး။ ပူးတေတို့ကတော့ ကလေးဆိုတော့ မှာစရာတွေ လျောက်မှာနေတယ်။ စာရေးနော်။ ဘာညာနဲ့။ မေမေက သူပြန်ခါနီးကျတော့ မိဘိတ် ဘုရားစာတွေ မေ့မပစ်နဲ့နော်တဲ့။ အသံလေးက ပျော့နေတာသတိထားမိတယ်။ မိဘိတ်က ဟုတ်ကဲ့ ကြီးကြီးတဲ့။ ပြီးတော့ မေမေကိုကန်တော့တယ်။ ကန်တော့ပြီးတော့ ကြီးကြီး ပတ်ဘေပတ်တာပြီးတော့ ဘာလဲတဲ့။ တအိမ်လုံးလဲ နားမလည်ကြဘူး။ နောက်မှ ပူးတေက သဘောပေါက်ပြီး ထရယ်ပါလေရော... သူက သဗ္ဗေသတ္တာ ဝေနေယျာ ချမ်းသာကိုယ်စိတ် မြဲပါစေ... ဆိုတဲ့ မေမေ သင်ပေးထားတဲ့ ဟာကို ပြန်မေးတာ။ ပတ်ဘေပတ်တာပြီးတော့ ဘာလဲတဲ့။ သူမှတ်မိထားတဲ့ အစက မှန်နေပြီး နောက်ပိုင်းကိုပဲ မေ့နေသလိုလိုနဲ့။ အဲဒီတုန်းက မေမေက ပူးတေကိုဆူတယ်လေ။ သူများအဲလိုဖြစ်တာကို မရီရဘူးတဲ့။ ငရဲကြီးတတ်တယ်တဲ့။ ကလေးပဲကိုး... နော်။ ဘယ်သိပါ့မလဲ။

ခုထိ မိဘိတ်ပြန်သွားတဲ့ ပုံပူးတေမျက်စိထဲက မထွက်သေးဘူး။ ပွဲစားမိန်းမကြီးက အဲဒီခေတ်က(လွန်ခဲ့တဲ့ ၁၆ နှစ် ၁၇ နှစ်လောက်ကထင်တယ်) ဟိုင်းလပ် ဒဘယ်လ်ကပ်လို ငွေရောင် ကားမြင့်ကြီးနဲ့ သူတယောက်ထဲလာတာကို။ မိဘိတ်ကို နောက်က ခေါင်မိုးမပါတဲ့ နောက်ခန်းမှာ ဖင်ထိုင်ခုံလဲမပါ။ ဖျာလဲမပါ။ ဒီအတိုင်း အပူထဲမှာ အပေါ်ပူ အောက်ပူနဲ့ ထိုင်ခိုင်းတယ်။ သူ့အဝတ်ထည့်တဲ့ စာကလေးခြင်းတောင်းနဲ့ အထုတ်တထုတ်နဲ့။ ပူးတေက မိဘိတ် ရှေ့မှာထိုင်လေ။ နေပူတယ်လို့ လှမ်းပြောတော့ မေမေက တိုးတိုးလေး ပြောတယ် သွားမပြောနဲ့တဲ့။ ဒါသူတို့လို လူတွေက ဒီလိုပဲတဲ့။ ပွဲစားမိန်းမကြီးလဲ ကောင်းပေါ်တက်ပြီး ကားကိုဝူးခနဲ မောင်းထွက်သွားရော မိဘိတ်က အိမ်မှာနေတာကြာတော့ အသန့်ကြိုက်နေပြီလေ။ သူက ကားပေါ်မှာ ဒီအတိုင်း ဖြစ်သလို ထိုင်မချတော့ဘူး။ နောက်မှာ ဆောင့်ကြောင့်လေးထိုင်နေတာ။ မိဘိတ် ကားလဲ ဝူးကနဲ စောင့်ထွက်သွားရော ဖင်ထိုင်ရက်လေး ကားဘောင်လေးကိုင်ပြီး ပါသွားရော။ 

ကားလဲ ထွက်သွားရော မေမေက ပူးတေကို လူကြီးတယောက်ကိုတိုင်ပင်သလိုပုံစံမျိုးနဲ့ ပြောတာယ်။ မိဘိတ်က ပြန်ချင်တာမဟုတ်ဘူးတဲ့။ မိဘိတ်မပြန်ချင်ရင် မပြန်ခိုင်းနဲ့ပေါ့ မေမေရယ်လို့ ပူးတေက ပြောလိုက်တော့ မေမေပြန်ခိုင်းတာ မဟုတ်ဘူး။ ပွဲစားက အတင်းလာခေါ်သွားတာတဲ့။ ရွာမှာသူ့အမေနေမကောင်းဘူးဆိုပြီးတော့တဲ့။ နောက်ကြီးလာမှ တဖြေးဖြေးသိလာရတာက ပွဲစားတွေက တနေရာကနေ တနေရာကို ခဏခဏပြောင်းမှ သူတို့ ပွဲစားခရမှာမို့ အိမ်တအိမ်မှာ လူမြဲနေရင်တောင်မှ သူတို့က ဆက်မထားဘူး။ အမေနေမကောင်းဘူး။ အဖေနေမကောင်းဘူးနဲ့ မျိုးစုံအကြောင်းပြပြီး လာပြန်ခေါ်ကြတာတဲ့။ မမရွှေစင်ဦးရဲ့ ကျော်လှိုင်ဦး ဘာသာပြန်တဲ့ ဦးလေးတွမ် ဝတ္ထုထဲကလိုပဲ မြန်မာပြည်မှာလဲ မစ္စတာဟာလေတို့လို လူပွဲစားအများကြီးရှိပါလားလို့ စဉ်းစားမိတယ်။

အစကတော့ မိဘိတ်နဲ့ ပတ်ဘေပတ်တာ ဆိုပြီး ရီစရာလေးရေးမလို့ပဲ ရေးနေရင်းက မိဘိတ်ကို သတိရလာပြီး အလွမ်းဇာတ်ဖြစ်သွားတယ်။ မိဘိတ်ကတော့ ပူးတေတို့ကို သတိရချင်မှလဲ ရမှာပေါ့လေ။ သူနေခဲ့ရတဲ့ အိမ်တွေက အများကြီးရှိမှာပဲကို။ ခုချိန်လောက်ဆို မိဘိတ်တယောက် အိမ်ထောင်တွေဘာကျေပြီး သားတွေ သမီးတွေနဲ့ ဖြစ်နေပြီလား။ ဒါမှမဟုတ် ထီတွေဘာတွေများပေါက်ပြီး ကြီးပွားချမ်းသာသွားလို့ အိမ်ဖော်အလုပ်လုပ်စရာမလိုတော့ဘူးလား။ ပူးတေတို့အိမ်က လူတွေကတော့ သူ့နာမယ် မိဘိတ်ဆိုတာရယ် ဇာတိက မော်လမြိုင်ဘာက်က လာတယ်ဆိုတာလောက်ပဲ သိတာပါ။ နာမယ်လဲ ပြင်မရေးထားပါဘူး။ စာဖတ်တဲ့လူတွေထဲက တယောက်ယောက်ရဲ့ အိမ်မှာရော သူအလုပ်လာလုပ်ဖူးချင် လုပ်ဖူးမလားလို့.... ခုလောက်ဆို သူအသက်က ၃၁ / ၃၂ ပတ်ဝန်းကျင်လောက်တော့ရှိရောပေါ့။


လူအချင်းချင်း လှည့်ပတ်ခြင်း
လူအချင်းချင်း ရောင်းစားခြင်း ကင်းဝေးကြပါစေ လို့ ဆုတောင်းရင်းနဲ့ပဲ.........

ttmy ပူးတေ

ပြီးခဲ့တဲ့ နိုဝင်ဘာ ၊ဒီဇင်ဘာ တောက်လျှောက် ဘလော့ရေးဖို့ကို လူကမလှည့်နိုင်ဘူး။ ပူးတေတို့ company က အလုပ်ကြမ်းဝန်ထမ်း (general workers)ပဲ များတာပါ။ ရုံးထိုင်တဲ့လူ သိပ်မရှိဘူးလေ။ ရုံးထိုင်တာဆိုလို့ ပူးတေအပါဝင် မိန်းကလေး ၃ ယောက်ရယ်၊ ကျန်တာက သူဌေးရယ် မန်နေဂျာတွေရယ်ပဲရှိတာလေ။ ကျန်တဲ့လူတွေအားလုံးက ဆိုဒ်ထဲသွားရတဲ့ ယောက်ျားလေးတွေ နဲ့ supervisor တွေချည်းပဲရှိတာ။ ရှိတဲ့ မိန်းကလေး ၃ ယောက်ထဲမှာမှ ပူးတေတို့ရဲ့ Admin က မီးဖွားခွင့် ၄လယူရမှာ။ သူက နိုဝင်ဘာ ၁၅ ရက်နေ့ကစပြီး ကလေးမွေးတာဆိုတော့ ၁၆ ရက်နေ့ကတည်းက ခွင့်စယူသွားရော။ ဒါနဲ့ကျန်တဲ့ မိန်းကလေး ၂ယောက်မှာ admin ရဲ့  အလုပ်တွေကို တာဝန်ပေးဖို့ကြည့်တဲ့ အခါကျတော့ သူဌေးနဲ့ မန်နေဂျာက ပူးတေကို မျက်စိကျသွားတယ်ထင်တယ်။ (ခိုင်းဖို့ပြောပါတယ်။ :) ) ဒါနဲ့ ပူးတေရဲ့  original ရာထူးလေး QS အပြင်၊ admin, HR and account ဆိုတဲ့ ရာထူးတွေပါ ပိုတိုးလာတယ်။ ရာထူးပဲတိုးတာနော်။ လစာတော့မတိုးသေးဘူး။ :) မစ္စတာပီကလဲ ပူးတေကို ပြောပါတယ်။ အော်ခုတော့ ttmy ပူးတေပေါ့တဲ့။ ttmy ဆိုတာ တောက်တိုမယ်ရကိုပြောတာပါ။ :(     လူကို နှိမ်တာလေ၊ အခွင့်ရတုန်းလေး။

အဲဒီ ttmy ရာထူးအသစ်စက်စက် ပိုင်ရှင်လေးပူးတေရဲ့  အတွေ့အကြုံသစ်ကလေးတွေကို မိတ်ဆွေတွေကိုလဲ ပြောပြချင်တာရယ်၊ ဘလော့မှာလဲ မှတ်တမ်းလေးအနေနဲ့ ထားချင်တာရယ်တွေကြောင့် ပူးတေဒီပို့စ်လေးကို ချရေးမိပါတယ်။ သူများတွေက စွိဒီဇင်ဘာတဲ့။ အဲဒီထဲက ပူးတေလဲ စွိချင်နေတာ။ (စွိဒီဇင်ဘာ ပြန်လုပ်ချင်နေတာလို့) စွိမယ့်စွိတော့ ၃ ထပ်ကွမ်း ရာထူးပိုင်ရှင် စွိပူးတေ ဖြစ်သွားတယ်။ လုပ်နေကျလူတွေအတွက်ကတော့ ပူးတေလုပ်တာတွေက သေးသေးလေးတွေပဲ ဖြစ်မယ်လို့ ပူးတေထင်ပါတယ်။ ကျွမ်းကျင်ရာ၊ လိမ္မာရာ ဆိုတဲ့ စာလိုပဲပေါ့။ ပူးတေအတွက်ကတော့ ကိုယ်မကျွမ်းကျင်တဲ့ အပိုင်းမို့ အမှတ်တရပို့စ်လေးအဖြစ် ဘလော့ပေါ်ကို တင်လိုက်ရတာပါ။

မစ္စတာပီ ဘယ်လောက်ပဲ ဘာပဲပြောပြော ပူးတေကတော့ ဒီတာဝန်ခဏယူပေးရတယ်ဆိုပေမယ့် ကျေကျေနပ်နပ်ကြီးကို ယူပေးခဲ့တာပါ။ သူဌေး၊ မန်နေဂျာ၊ admin စတဲ့ ဒီ လူတွေကလဲ ပူးတေကို ယုံကြည်လို့ ဒီလို ဝန်ထမ်းကိစ္စ၊ ဘဏ်ကိစ္စတွေ၊ CPF ကိစ္စစတဲ့ company ရဲ့  confidential တွေကို ပေးသိရတဲ့ တာဝန်ကို ပေးတယ်လို့ထင်ပါတယ်။  Insurance Plan တွေ၊ leave တွေ၊ ရုံးက တစ်ယောက်ချင်းဆီရဲ့ လစာ၊ allowance ၊ OT၊ Bonus ကိစ္စတွေပါ ဗဟုသုတအနေနဲ့ရော၊ confidential အနေနဲ့ပါ သိခွင့်ရ၊ လုပ်ခွင့်ရလို့ ကိုယ်တာဝန်ယူလိုက်ရတဲ့ အပိုင်းလေးကို ကျေနပ်မိပါတယ်။

သူ့တာဝန်တွေကို ပူးတေကို မလွှဲခင်ကဆိုရင် ပူးတေလဲ ကိုယ်လဲ ရန်ကုန်မှာ ဒါမျိုးတွေ လုပ်ခဲ့သေးတာပဲ။ ဘာခက်တာမှတ်လို့ ဆိုပြီးတော့ အေးဆေးပဲ။ တကယ်တမ်းလဲ ပူးတေတို့ admin လဲ ခွင့်စရော ပူးတေတယောက် ရုံးမှာ ဆပ်ပြာသည် လင်ပျောက်သလိုကို ဖြစ်တော့တာပဲ။ သူ့ခွင့်က  ၁၆ ရက်နေ့စတာဆိုတော့ လလယ်ပိုင်းဆိုတော့ သိပ်ထွေထွေထူးထူး မရှိသေးဘူး။ ပုံမှန်ပဲ ဧည့်သည်လာလိုက်။ customer တွေဆီက delivery လာရင် လက်ခံလိုက်၊ ရုံးကကားတွေ ဒီဇယ်ဖြည့်တာ၊ cash card တွေ top-up လုပ်တာတွေ၊ ရုံးက CNC စက်တွေ ၊ forklift တွေ servicing လုပ်တာတွေလောက်ကိုပဲ လက်မှတ်ထိုး၊ cash ဆို petty cash ထဲကရှင်း၊ ချက် သမားဆို ချက်ရေးပေး၊ သူဌေးက လက်မှတ်ထိုး ဒီလောက်ပဲ၊ ကျန်တာက ကိုယ့်အလုပ်လေး ကိုယ်လုပ်လိုက်၊ နေ့ခင်းဆို ထမင်းစားဆင်းရင် ၁၂ နာရီထဲကနေ ဆင်းလိုက်တာ၊ တချို့  ရက်တွေဆို ၂ နာရီခွဲလောက်မှ ပြန်ရောက်တယ်။ Discount တွေနောက်လိုက်တာလေ။ ပူးတေရဲ့ မန်နေဂျာနဲ့။ သူလဲ shopping ဆို အရမ်းဝါသနာပါတယ်လေ။ ဒီလိုနဲ့ တပတ် (working days 4/5 ရက်) လောက်ပဲကြာတယ်။ အေးအေးဆေးဖြစ်နေရာကနေ ရက် ၂၀ လောက်ရောက်လာတော့ ဝန်ထမ်းတွေလစာပေးပို့ တွက်ရရော၊ တွက်ပြီးသားတွေကို admin အိမ်ကိုသွားပို့၊ သူက checking လုပ်ပြီးတော့မှ ဘော့စ်ဆီတင်၊ ဘော့စ် ကစစ်၊ စစ်ပြီးတော့ လက်မှတ်ထိုး၊ သူလက်မှတ်ထိုး approved လုပ်ထားတာတဲ့ amount တွေအတိုင်း သူပေးလိုက်တဲ့ cheque(ချက်)စာအုပ်အလွတ်ထဲက စာရွက်တွေကို typewriter နဲ့ ရိုက်၊( ပူးတေလုပ်လို့ သူဌေးရဲ့ ချက် ဘယ်နှစောင်မှန်းမသိအောင်ကို cancel လုပ်လိုက်ရသေးတယ်။ :) ၊ ပြီးမှ သူဌေးဆီကိုပို့ သူကပြန်စစ်ပြီးတော့ cheque ပေါ်မှာ လက်မှတ်ထိုးပေးလိုက်ရင် သူ့ကိစ္စကပြီးနေပြီလေ။ သူပေးလိုက်တဲ့ cheque တွေကို bank မှာတခါ ဝန်ထမ်းတွေအတွက် deposite သွားလုပ်ပေးရတယ်။ ဒါက ရက်၂၀ လောက်ကနေစပြီး ၂၈ ရက်နေ့လောက်အထိ ဒီလစာကိစ္စကို အပြေးအလွှားလုပ်ရတယ်။ အပြေးအလွှားလို့ သုံးလိုက်တာ အတိသယဝုတ္တိအလင်္ကာသုံးတာမဟုတ်ပါဘူး။ လုပ်နေကျလူတွေအတွက်ကတော့ ဒါတွေက လစဉ်နဲ့အမျှလုပ်နေတော့ ပူးတေလိုမျိုး အပြေးအလွှားလုပ်ဖို့လိုမယ်မထင်ပါဘူး။ တချို့  company တွေမှာ ဝန်ထမ်းတွေ ထောင်ဂဏန်းလောက်ကို လစဉ် လစာပေးနေကြတာပါပဲ။ သူတို့တွေအတွက်ကတော့ ထမင်းစားရေသောက်ပဲပေါ့။ ပူးတေအတွက်ကတော့ ဒါက first time ပါပဲ။ ဒါကြောင့်ပူးတေမှာ အပြေးအလွှားဖြစ်နေရတာပါ။း)

ဒါတွေပြီးတော့ နားရမယ်ပေါ့ ၊ ကိုယ့်အလုပ်ပဲ ကိုယ်ဆက်လုပ်ယုံပဲ၊ နောက်လ လကုန်ခါနီးကျမှ ဒါမျိုး ငါအလုပ်ထပ်ရှုပ်တော့မှာ၊ အလုပ်ပါးသွားတုန်း ဘလော့ရေးလို့ရပြီလို့ အတွေးကောင်းနေတုန်း၊ admin ဆီက ဖုန်းလာပါတယ်။ hi! good afternoon ဘာဘာညာညာနဲ့ intro ပေါ့လေ။ နင်လစာတွေ လုပ်တာအဆင်ပြေလား၊ နင်ငါမရှိတုန်း ကူတဲ့အတွက် ကျေးဇူးတင်ပါတယ် ဘာညာနဲ့ ပြီးတော့မှ နင်ငါ့ကို ကူဦးနော်၊ supplier တွေအတွက် ငါတို့ cheque တွေ issued လုပ်ကြရဦးမယ်တဲ့။ တွတ်ပီကံမကောင်းပါလားပေါ့။ ကံမကောင်းတာက အလုပ်လုပ်ရမှာမို့မဟုတ်ဘူး။ တကယ်လဲပူးတေက customer တွေ supplier နဲ့ ဆက်ဆံရတဲ့ အလုပ်ကိုပျော်ပါတယ်။ စင်္ကာပူမှာ မိတ်ဆွေတိုးတာပေါ့။(ရန်သူလဲ တိုးမလားမသိဘူး။)း) လူမျိုးပေါင်စုံနဲ့ တွေ့ရတယ်လေ။ customer ရဲ့ လေသံကတမျိုး၊ supplier တွေရဲ့ လေသံက တမျိုးလေ။ သူတို့နဲ့ ပြောတာတွေ၊ သူတို့ပြောတာတွေ နားထောင်ပြီးတော့ ရန်တွေ့ပုံတွေ့နည်းတွေ ချော့ပုံချော့နည်းတွေ သိလာရတယ်လေ။ e လဲ ပိုကောင်းလာတာပေါ့လေ။ :)(ဝမ်းမချုပ်တော့ဘူးလို့ပြောတာမဟုတ်ဘူးနော် english ပိုကောင်းလာမယ်ထင်တယ်။) အနဲလေးတော့ ဟောက်နည်း၊ ခြောက်နည်း၊ ကိုယ့်ဘက်ပါလာအောင်ဆွဲဆောင်နည်းနဲ့ ပက်သက်တဲ့ vocabulary တွေ တိုးတာပေါ့။ ချော့ပုံချော့နည်း၊ ကောပုံကောနည်းတွေ၊ မျိုးစုံပါပဲလေ။ တွတ်ပီ ကံမကောင်းတဲ့ အကြောင်းကတော့ ဘလော့ရေးရတော့မယ်ဆိုတဲ့ စိတ်ကူးလေး ပျက်သွားရလို့။း(

supplier တွေကို cheque issued လုပ်တဲ့ ကိစ္စကတော့ ပူးတေအတွက် ပိုရှုပ်ထွေးတယ်လေ။
အရင်ဦးဆုံးသူတို့တွေဆီက invoice တွေ debit note တွေကို စုဆောင်းရပါတယ်။ ပြီးရင်တော့ တချို့  company တွေက fax နဲ့ပဲ သူတို့ရဲ့ invoice ကိုပို့ပေးထားတာတွေရှိလို့ အဲဒီ supplier တွေဆီကို original invoice ပေးဖို့တောင်းရတယ်လေ။ သူဌေးက original invoice ရမှ cheque issue လုပ်ခိုင်းတာကိုး။ တချို့ supplier ကုမ္ပဏီက လူတွေကလဲ သူတို့ကို payment ပေးဖို့တာ ဖုန်းနဲ့ တတွတ်တွတ်ခေါ်နေတာ ငါ့ကို original invoice အရင်ပို့ပေးလိုက်ပါဆိုတော့ အေး mail နဲ့ ပို့လိုက်မယ် ဆိုတာက တမျိုး၊ နင်ငါ့ကို payment လုပ်ထားပေး၊ ငါ invoice ပို့ပေးလိုက်မယ်ဆိုတာက တမျိုး။ supplier တွေဆီက original invoice ရပြီဆိုမှ ပူးတေတို့ တကယ်မှာထားတဲ့ P.O တွေနဲ့ ဈေးနှုန်းတွေ၊ total amount တွေ၊  discount % တွေ၊ GST တွေ မှန် မမှန် သေချာတိုက်ကြည့်ပြီး သူ့ဆိုင်ရာ P.O တွေနဲ့ Invoice တွေကို attach လုပ်၊ ပြီးရင် payment voucher တွေလုပ်ပြီး သေချာ double check လုပ်ပြီးပြီဆိုမှ သူဌေးဆီကို approve လုပ်ပေးဖို့ တင်ရပါတယ်။ သူဌေးက approve လုပ်လိုက်ပြီဆိုမှ ပူးတေက cheque တွေကို လက်နှိပ်စက်နဲ့ ရိုက်ရပါတယ်။ သူဌေးက ပူးတေတို့ တင်သမျှ payment တွေ အားလုံးကိုလဲ approve မလုပ်ပါဘူး။ တခါတလေ supplier ကလဲ ကိုယ့်ကို လာပြီး remind လုပ်နေပြီ။ date ကလဲ due နေပေမယ့် အဲဒီ company နဲ့ နောက် project ရှိသေးရင်ပဲဖြစ်ဖြစ်၊ ပေးရမယ့် total amount က အရမ်းများနေရင်ပဲဖြစ်ဖြစ် ပေးရမယ့် ပိုက်ဆံအားလုံးကို အကုန်မပေးသေးပဲနဲ့ 50% သို့မဟုတ် 30% ချန်ထားပြီးမှ ပေးတတ်ပါတယ်။ ဒါကတော့ လုပ်ငန်းရှင်အများစုရဲ့ အကျင့်ပဲထင်ပါတယ်။ (ပူးတေတွေ့ဖူးတာကို ပြောတာပါ၊ အားလုံးကို အပြတ်ချေတဲ့ လုပ်ငန်းရှင်တွေလဲ ရှိရင်ရှိမှာပါ)။ တခါတလေ ပူးတေက 100% payment လုပ်ထားရင်လဲ သူက စသလိုနောက်သလိုနဲ့ မေးတတ်ပါတယ်။ Are you so rich? တဲ့ ။ ပူးတေလဲ ပြုံးပဲပြုံးပြလိုက်ပါတယ်။ တခါတလေတော့လဲ ပြန်ပြောမိပါတယ်။ supplier ဘက်က ဘော့စ်ကိုယ်တိုင် ငါ့ကို chase လုပ်နေပြီလို့ပေါ့။ amount နဲတာတွေတော့ ပူးတေတို့ ဆုံးဖြတ်ပိုင်ခွင့်ရှိပါတယ်။ ဒါပေမယ့်လဲ ကိုယ်က သူများတာဝန်ကို လပိုင်းလေးပဲ ဝင်ကူညီပေးတာဆိုတော့ အမှားမဖြစ်ချင်တော့ ဆုံးဖြတ်ပိုင်ခွင့်ရှိနေရင်တောင်မှ လုံးဝကို မဆုံးဖြတ်ပါဘူး။ သူဌေးရဲ့ approval ကိုယူပြီးမှပဲ ဆက်လုပ်လေ့ရှိပါတယ်။ cheque တွေ အားလုံးပြီးရင်တခါ သူဌေးကို cheque မှာ လက်မှတ်ထိုးခိုင်းရပါတယ်။ ချက်တွေကို စာရိုက်ရတာတော့ တော်တော်လေးကို လက်ဝင်ပါတယ်။ နဲနဲလေး စာလုံးကွာသွားတာနဲ့တောင်မှ ဘဏ်က reject လုပ်ပါတယ်။ နောက်တခုက ကိုယ့်ရုံးက လူတွေကို လစာပေးတာထက်ပိုပြီးတော့ ဂရုစိုက်ရပါတယ်။ အပြင်လူဆိုတော့ မှားသွားခဲ့ရင်တောင်မှ ပြန်ပြောဖို့ဆိုဖို့က မလွယ်ဘူးလေ။

ခုချိန်မှာတော့ ဝန်ထမ်းရေးရာကိစ္စတွေ၊ ဝန်ထမ်းတွေနဲ့ Petty Cash ကိစ္စတွေ၊ Store ကိစ္စတွေ ၊ အဲကွန်းဆားဗစ်စင်း ကိစ္စတွေကတော့ ပူးတအတွက် အသေးမွှားလေးတွေဖြစ်ကုန်ပြီပေါ့နော်။ :)

ဘာလိုလိုနဲ့ admin ခွင့်သွားတာတောင်မှ တလကျော်လို့ ၂ လတောင်ပြည့်တော့မယ်။ ခုမှပဲ ပူးတေလဲ ရုံးမှာ သူ့အလုပ်တွေနဲ့ အထိုင်ကျတော့တယ်။ ခုတော့ ပူးတေ တယောက် admin, account, HR ဆိုတဲ့ တာဝန်လေးတွေကြားထဲမှာ အဆင်ပြေနေတယ်လို့ ဆိုရမှာပေါ့နော်။ သူများတွေ sweet December မှာ ကိုယ် မ sweet နိုင်ခဲ့ပေမယ့် ခုတော့ ပူးတေအတွက် Sweet January ဖြစ်နေပီလေ။ နောက်လဆို ပို Sweet မှာ။ ရန်ကုန်ပြန်မှာမို့လေ။ :)

(ဒီလိုမျိုးတွေလဲ ခဏ ခဏပေါ့)

ပူးတေ အတွေ့အကြုံလေးတွေကို စိတ်ရှည်လက်ရှည် ဖတ်ပေးကြတဲ့ မိတ်ဆွေအားလုံးလဲ ကျေးဇူးပါလို့။

(ပုံလေးကို အင်တာနက်က ယူတာပါ)