" me too, ha ha "

ဖောဝပ်အီးမေးလ်လေးကို သဘောကျလို့ ပြန်လည်မျှဝေလိုက်ပါတယ်....

ပုံတွေကို မမြင်ရတဲ့ နေရာက စာဖတ်သူတွေအတွက် ပုံထဲက စာသားလေးတွေကို ပြန်ရိုက်ပေးလိုက်ပါတယ်...


English is difficult language .... for some!
This is a true story from the Japanese Embassy in US. ( ဒါကတော့ စာထဲမှာပါတဲ့ အတိုင်းရိုက်လိုက်တာပါ။ ဟုတ်မဟုတ်တော့ မသိဘူး)

A few days ago, Prime Minister Mori was given some Basic English Conversation training beforre he visits Washington and meets president Barack Obama.

The instructor told Mori Prime Minister , when you shake hands with President Obama, please say, " How are you?" . Then, Mr Obama should say, " I am fine, and you?"  Now you should say, " me too". Afterward we, translators, will do the work for you. It looks quite simple.
But the truth is
When Mori met Obama,
he mistakenly said, " who are you?"  ( Instead of "How are you?" )

Mr Obama was a bit shocked but still managed to react with humor.
"Well, I'm Michelle's husband, ha ha..."

Then Mori replied, " me too, ha ha" .

Then there was a long silence in the meeting room.


အိုဘားမားတော့ သူနဲ့တွေ့မှ ဘလိုင်းကြီး အကစ်ခံလိုက်ရတယ်နော်.... :)
Forward Mail က ရတာပါ... တကယ်ဟုတ်မဟုတ်တော့ ပူးတေလဲ မတိဘူး...ha ha..

မိုးဝင်းကွိုင် ပျက်နေလို့ပါဆရာ

သူငယ်ချင်း မြူးမြူးရဲ့ အိပ်မက်ထဲက ကျောင်းတော် အခန်းဆက် ပို့စ်တွေ ဖတ်ရင်းနဲ့ ကျောင်းတက်ခါစ ပူးတေရဲ့  အူတူတူအလွဲတွေကို သတိရလို့ အလွဲတွေထဲက အလွဲလေးတခုကို ပို့စ်အပုဒ်အဖြစ်ချရေးချင်စိတ်ပေါက်သွားလို့ပါ။

ကျောင်းမှာ ပူးတေတို့နှစ်က ပူးတေတို့ မေဂျာက အသစ်လေ.. အသစ်ဆိုတော့ ကိုယ့်ဌာနအပိုင်မရှိ ၊ ဌာနမှူးဆိုပြီးလို့တော့ ရှိတယ်။ ပူးတေတို့ထက် ၃ နှစ်လောက်ကြီးတဲ့ ဆရာဦးနေဝင်းလှိုင်ဆိုတာက Electronics ဌာနကနေ ပူးတေတို့ ဌာနကို ပြောင်းလာတဲ့ ဌာနမှူးလေ...ပူးတေတို့ မေဂျာအတွက် Lab ကလဲ Electronics ရဲ့ Lab ကို ကပ်မြှောင်သုံးရတာ..ပူးတေတို့က ကျောင်းသူအသစ် fresher လေးတွေဆိုတော့ အင်ဂျင်နီယာလောင်းလျာလေးတွေဆိုတော့ကာ ဘာပစ္စည်းလေးပဲဖြစ်ဖြစ် (ကိုယ်နဲ့ဆိုင်ဆိုင်မဆိုင်ဆိုင်) ကိုယ်က ချက်ချင်းဝယ်လိုက်ရမှလေ... အဲဒီမှာ ကိုယ့်အထက်က စီနီယာတွေက Lab ထဲမှာ ဝင်လိုက် ထွက်လိုက်နဲ့။ သူတို့တွေက electronic circuit တွေ ဆင်နေကြတာလေ... သူတို့ လက်ထဲမှာလဲ Multimeter တွေ soldering gun တွေ resistor လေးတွေ၊ တိုလီမုတ်ဆတွေနဲ့ ၊ circuit board တွေကိုယ်စီနဲ့။သူငယ်ချင်းကောင်လေးတွေကလဲ ဒါနောက်ပိုင်းလိုလာမှာ ဆိုပြီး နောက်ရက်တွေ သူတို့လဲ ဝယ်လာကြတယ်။ ကိုယ့်အိမ်မှာလဲ ကိုယ်ပြန်လုပ်ကြည့်ချင်လုပ်လို့ရတယ်ဆိုပြီးတော့ တယောက်ပြော တယောက်ဝယ်နဲ့။ ဒါနဲ့ ပူးတေတို့အဖွဲ့ကလဲ လိုက်မေးကြတာပေါ့။ ဘယ်ကဝယ်ရမှန်းတောင်မသိ၊ ဘယ်လိုသုံးရမလဲတောင်မသိနဲ့၊ နောက်ဆုံး ဖရေဇာက မောင်မောင်ထွန်းမှာ အောက်ကဓါတ်ပုံလေးထဲက အတိုင်း မီတာလေးတလုံးနဲ့ ခဲဆော်တဲ့ သေနတ်လေးတခု၊ တခြား ပစ္စည်းလေးတွေက လိုမယ်ထင်တာလေးတွေ ဝယ်လာလိုက်တယ်။ ပြီးတော့ တွေ့ကရာကို မီတာက အချောင်းလေး ၂ ချောင်းထောက်ပြီး လိုက်တိုင်းကြတယ်... လူကိုတောင်မှ တိုင်းကြတယ်... နောက်ဆုံးပူးတေရဲ့ မီတာလေးက ဘယ်လိုမှ တိုင်းလို့ မရတော့ဘူး။ ဘယ် setting မှာထားထား၊ ဘာပစ္စည်းကိုတိုင်းတိုင်း ဘယ်လိုမှ မနေတော့ဘူး။ လှုပ်ကို မလှုပ်တော့ဘူး။ ဒါနဲ့ ဌာနမှူး ဆရာ ဦးနေဝင်းလှိုင်ကို သူငယ်ချင်း ၃ ယောက်နဲ့ အတူ သွားပြကြတယ်။ ဆရာက လောလောဆယ် အလုပ်ရှုပ်နေတော့ သူကျောင်းတုန်းက သုံးတဲ့ သူ့ကိုယ်ပိုင် မီတာလေး ပူးတေကို ပေးထားလိုက်တယ်။ နောက်မှ သူကြည့်ပေးမယ်ပေါ့။ ဆရာ့မီတာက ဆရာကျောင်းတက်တုန်းထဲက ဆိုတော့ ဟောင်းလဲ ဟောင်းနေတယ်။ နောက်ကျောဘက်မှာလဲ နေဝင်းလှိုင်(EC) ဆိုပြီး ကော်ရက်ရှင်ပန် နဲ့ရေးထားတာကြီးလဲပါတော့ ပူးတေကိုင်ရတာ သိပ်မကိုင်ချင်ဘူး။ ပြီးတော့ ကိုယ့်မီတာ အသစ်စက်စက်ကလေးက ဝယ်ပြီး ၂ ပတ်လောက်နဲ့ ပျက်သွားတော့ စိတ်ထိခိုက်တာပေါ့နော်...

(ဒီလိုမျိုး မီတာလေးပေါ့၊ Brand က အစတူတယ်။ ပူးတေမီတာလဲ Sanwa ပဲ၊ မောင်မောင်ထွန်း ဆိုင်ကနေ ဝယ်ထားတဲ့ ပစ္စည်းလေး။ ခုတော့ ရန်ကုန်အိမ်က စာအုပ်စင်အပေါ်ဆုံးမှာ၊ ဖုံတွေနဲ့)

ဒါနဲ့ နောက်တရက်နေတော့ တခါ Electronics Lab ထဲကို ပူးတေ မီတာ အပျက်ကလေးကိုင်ပြီး သွားကြပြန်ရော... အဲဒီမှာ ဆရာတယောက်ကိုတွေ့တယ်။ (အခု ကျောင်းပြီးမှ သိတာက ဆရာက စာသင်တဲ့ ဆရာမဟုတ်ဘူး။ စာမေးပွဲတွေ ဘာတွေ ရှိရင် အခန်းစောင့်တာတို့၊ ဘာသာရပ်ဆိုင်ရာ ဆရာတွေကို ကျောင်းသားတွေက မေးစရာရှိတယ်ဆိုရင် လိုက်ရှာပေးရတဲ့ဆရာဖြစ်နေတာ။) အဲဒီတုန်းကတော့ အားကိုးတကြီးနဲ့ ဆရာ သမီးရဲ့  မီတာလေးပျက်သွားလို့ပါဆရာပေါ့။ ဌာနမှူးကလဲ ကြည့်ပေးမယ်ဆိုပြီး မအားသေးလို့ သမီးကို သူ့မီတာကို ခဏပေးသုံးထားတယ်။ ဆရာအားရင် တချက်လောက် ကြည့်ပေးပါလားဆရာဆိုတော့ အဲဒီဆရာကလဲ လိုလိုလားလားပဲ ကြည့်ပေးတယ်။ သေချာကြည့် ခလုတ်တွေ ဟိုရွှေ့  ဒီရွှေ့ နဲ့ ဟိုတိုင်းဒီတိုင်းလုပ်တာပေါ့။ ပြီးတော့ သူက ပူးတေတို့ကို ပြောတယ်။ ဒါက မိုးဝင်းကွိုင်ပျက်သွားတာတဲ့။ ဒါဆိုဘာလုပ်ရမလဲဆရာပေါ့။ ဘာမှ မလုပ်နဲ့တဲ့။ အသစ်တလုံးဝယ်လိုက်တဲ့။ လူကို လေရောပဲ။ အခုမှ အသစ်စက်စက်ကလေး နောက်တလုံးထပ်ဝယ်ရမယ်ဆိုတော့ အင့်သွားတာပေါ့။ စိတ်လျော့ပြီး သူငယ်ချင်း ၄ ယောက်သား စာသင်ခန်းကို ပြန်လာကြပြန်တယ်။


နောက်ရက်တခါ အဲဒီ Lab ကို ပြန်သွားကြပြန်တယ်။ ကျောင်းက ခုမှတက်ခါစဆိုတော့ ဘယ်ဆရာက ဘယ်သူမှန်း၊ ဘာသင်မှန်းကို မသိဘူး။ လူတွေကတော့ တက်ကြွနေတာပဲ။ တွေ့တဲ့ ဆရာ၊ ဆရာမကို မိတ်ဆက်ပြီးတော့ကို သွားတာ။ နောက်ဆရာတယောက်ကို ထပ်တွေ့တယ်။ ကိုယ့်ကိုကိုယ်မိတ်ဆက်။ ပြီးတော့ သမီးမီတာလေး မိုးဝင်းကွိုင်ပျက်သွားလို့ပါဆရာ။ တချက်လောက်ကြည့်ပေးပါဆိုတော့။ အဲဒီ့ဆရာက မယုံသလို၊ ဒေါသထွက်သလို မျက်နှာနဲ့ မျက်လုံးပြူးသွားတယ်။ ဒါနဲ့ ကိုယ့်ကို မယုံမှာဆိုးလို့  ဌာနမှူးကတော့ သူ့မီတာကို ခဏပေးသုံးထားပါတယ်။ ဒါက ဌာနမှူး မီတာပါပေါ့။ ပြောပြီး ဌာနမှူးမီတာကို ထုတ်ပြလိုက်တယ်။ အဲဒီအချိန်မှာ ဌာနမှူးဦးနေဝင်းလှိုင်က ဌာနထဲရောက်လာတယ်။ ပူးတေတို့ကိုတွေ့တော့ နှုတ်ဆက်တယ်။ ပူးတေတို့လဲ ဝမ်းသာအားရနဲ့ ဌာနမှူးကို ဆရာ သမီးမီတာက မိုးဝင်းကွိုင်ပျက်သွားတာဆရာ၊ အဲဒါဘာဆက်လုပ်ရမလဲလို့။ ဆရာကပြန်မေးတယ်။ ဘာ ဘာ ဘာကွိုင်ပျက်သွားတာဆိုတော့။ ပူးတေတို့ သူငယ်ချင်း ၄ ယောက်သား ပြိုင်တူ မိုးဝင်းကွိုင်ပါဆရာလို့ ဖြေလိုက်ကြတယ်။ မနေ့ကတော့ ဆရာတယောက်ကို ပြတာ အဲဒီဆရာက မိုးဝင်းကွိုင်ပျက်သွားတာလို့ပြောတယ်ဆရာလို့လဲပြောလိုက်ရော ပူးတေတို့ရဲ့ ဌာနမှူးက အားရပါးရနဲ့ ရီပါလေရော... ဘာပါလိမ့်ပေါ့။ ဘာလို့အရီခံပါလိမ့်လို့ အံ့အားသင့်နေတုန်း ဌာနမှူးကပဲ ဘယ်ဆရာလဲ၊ ဘယ်သူပြောလိုက်တာလဲ မေးတော့ ပူးတေတို့လဲ နာမယ်တော့ မသိဘူးဆရာဆိုပြီးတော့ ပုံစံပြောပြလိုက်ကြတယ်။ ဒါနဲ့ ဆရာက မိုးဝင်းကွိုင်ပျက်တာမဟုတ်ဘူး။ မိုးဝင်းက ဒီမှာ ငုတ်တုတ်ထိုင်နေတာဆိုပြီး ခုန ပူးတေတို့နဲ့ ပြောနေနဲ့ ဆရာကိုပြပြီးတဟားဟားနဲ့ ရီနေတယ်။ အခုနက ပူးတေတို့နဲ့ ပြောနေတဲ့ ဆရာက ဆရာဦးမိုးဝင်းတဲ့လေ။ ပူးတေတို့လဲ နောက်ပိုင်းကျမှ သိရတာပါ။ ဆရာဦးမိုးဝင်းအရှေ့မှာ မိုးဝင်းကွိုင်ပျက်လို့ဆိုတော့ ဒေါကန်တာပေါ့လေ။ သူ့ကိုလာပြီး မထီမဲ့မြင်လာလုပ်နေတယ်ထင်တာပေါ့။ အဲဒီကျမှ ဆရာက သေချာရှင်းပြပါတယ်။ မီတာမှာ ညွှန်ပြတဲ့ ပွိုင်တာလေးက လုံးဝမလှုပ်တော့တာ မူးဗင်းကွိုင် (Moving coil) ပျက်တာတဲ့။ ပြောသွားတဲ့ ဆရာက နှုတ်ခမ်းနဲနဲ ကွဲနေသလိုဖြစ်ပြီး စကားမပီလို့ မိုးဝင်းကွိုင်ဆိုပြီး ပူးတေတို့က ကြားတာလေ...တော်ချက်နော်.. :D အခု အဲဒီပူးတေတို့ သူငယ်ချင်း ၄ ယောက်လုံး B.E တွေ အန်ဂျင်စရာ(engineer) တွေ ဖြစ်နေကြပြီးတော့ တယောက်ကတော့ M.E တောင်ဖြစ်နေရှာပါပေါ့လား.... ဟိ  :) ရီရတယ်နော်... အဲဒီဆရာဦးမိုးဝင်းဆို ပူးတေတို့ကို ကျောင်းပြီးတဲ့ အခုထိကို မမေ့တော့တာ။ သူပြန်ပြောပြတာ တော်တော်လေးရီရတယ်... ဒီကလေးမလေးတွေ ငါ့လာနောက်နေတယ်ထင်ရအောင်လဲ ရုပ်တည်လေးတွေနဲ့လေ။ ငါ့မှာစိတ်ဆိုးရမှာလား၊ ထရီရမှာလား မသိလို့ ရုပ်တည်နဲ့ ဖြဲချောက်ထားရတာတဲ့လေ...:)
လွဲမှ လွဲတတ်ပလေတယ်နော်... :)


(P.S>> သူငယ်ချင်းမြူးရဲ့  ပို့စ်ထဲမှာ ဆရာ့နာမယ်တွေ့တော့ အရမ်းသတိရသွားနဲ့ ဒီပို့စ်လေးကို အမှတ်တရဖြစ်အောင်ရေးတာ ၂ ပတ်လောက်ရေးရတယ်။ အပျင်းတက်နေတာနဲ့လေ.. အဲ ကွန်ပျူတာ မအားလို့ပါ။) :D

မေးမယ်နော်...

ရုံးမှာ ဒီနေ့နဲနဲအားနေတာနဲ့ ပို့စ်အတိုလေး တပုဒ်လောက်တော့ တင်လို့ရမယ်ဆိုပြီး သူများဘလော့တွေ လျှောက်ဖတ်ရင်းနဲ့ ကိုသီဟသစ်ရဲ့  Quiz ဆိုတဲ့ ပို့စ်တွေ သွားဖတ်ဖြစ်တယ်။ ဒါနဲ့ ပူးတေလဲ ကိုယ်ငယ်ငယ်က ပူးတေ အစ်ကိုတွေ မောင်တွေ လာလာပြီး ပူးတေကို မေးတဲ့ မေးခွန်းတေါထဲက မှတ်မိတာလေးပြန်တင်မလို့ Idea ရသွားတယ်။ ဖြေသွားကြဦးနော်။ :D

တခါကတဲ့ ကလေးတစ်ယောက်က ပုခက်ထဲမှာ။ အမေက မအားလို့ ကလေးရဲ့  ပထွေးက ကလေးကို သီချင်းဆိုပြီး ပုခက်လွှဲ သိပ်နေရတယ်တဲ့။ အဲဒီ ဆိုနေတဲ့ သီချင်းစာသား သို့မဟုတ် သီချင်းနာမယ်က ဘာဖြစ်မလဲပေါ့။ :)

ကိုသီဟသစ်လို white colour နဲ့ အဖြေ မရေးထားသေးဘူးနော်။ ရေးလိုက်ရင် လူတွေက အဖြေတွေကို ဖတ်ဖတ်သွားလို့။ မစဉ်းစားတော့ဘူး။  (ပူးတေလဲ တူတူပဲ။ :D)

သီချင်းကို စဉ်းစားတဲ့ feeling လေး ခံစားစေချင်လို့ပါ။

ဘလော့ကို ဘယ်သူမှာ မလာတဲ့အချိန်နဲ့ တိုးနေပြီး ဖြေမယ့်လူမရှိမှ အရှက် ဟက်တက်ကွဲနေဦးမယ်။ :)

တတ်နိုင်ဘူးလေ။ ကိုယ်ကလဲ ဒါမျိုးဆို ချက်ချင်းမဖြေချင်တဲ့ ငယ်ငယ်က ငြင်ကလဲ မပျောက်သေးဘူးလေ။ :D

အပင်အစုံရှိတယ်

ပူးတေ ငယ်ငယ်က ဖတ်ဖူးတဲ့ ကာတွန်းတွေထဲက (နံမယ်တော့ မမှတ်မိတော့ပါဘူး) ဟာသလေးတစ်ခုပါ။ မှတ်မိ သလို ပြန်ရေးလိုက်တာ

တခါက ရွာတရွာမှာ အမေအိုကြီးနဲ့ ကုန်သည် သားအမိနှစ်ယောက်ရှိတယ်တဲ့။ တနေ့သားဖြစ်သူ အလုပ်ကိစ္စနဲ့ အပြင်သွားနေတုန်း သားဖြစ်သူရဲ့  လုပ်ဖော်ကိုင်ဖက်တစ်ဦးက အမေအိုကြီးရှိရာ အိမ်ကိုရောက်လာတယ်တဲ့။ ဒါနဲ့ အမေအိုကြီးလဲ သားဖြစ်သူ မကြာမှီ ပြန်ရောက်လာမယ်ဆိုတဲ့ အကြောင်းနဲ့ သားဖြစ်သူပြန်အလာအား စောင့်လိုက စောင့်နိုင်ကြောင်း ပြောတော့ လူငယ်လဲ ချိန်းထားတဲ့အတွက် သူစောင့်မယ်လို့ ပြောလို့ နေရာပေးပြီး ဧည့်ခံထားလိုက်တယ်တဲ့။ ဧည့်သည်လူငယ်လဲ သူ့မိတ်ဆွေ လုပ်ဖော်ကိုင်ဖက် ပြန်လာလျှင် စာရင်းဇယားတွေလုပ်မှာ ဖြစ်လို့ သူဒီအတိုင်းပဲ ထိုင်စောင့်နေမယ့်အစား ကြိုလုပ်ထားရင်ပိုကောင်းမယ်လို့ တွေးမိပြီး စာရင်းတွေလုပ်ဖို့ စာရွက်စာတမ်းတွေကို ထုတ်လိုက်တယ်တဲ့။ အဲဒီနောက် သူစာရင်းရေးဖို့ ဘောပင်ရှာတော့ ပါမလာတာသိလိုက်တယ်တဲ့။ ဒါနဲ့လူငယ်လဲ အိမ်နောက်ဖေးခန်းမှာ အလုပ်ရှုပ်နေတဲ့ အမေအိုကြီးဆီကို ၀င်သွားပြီး
လူငယ် : : " ကြီးမေခင်ဗျား .. ကျွန်တော့ကို ဘောပင်လေး တချောင်း လောက်"

အမေအို : : " မောင်ရင်ရယ် ဘောပင်လား ဘာပင်လဲတော့ မသိပါဘူးကွယ် ။ ကြီးမေ ခြံထဲမှာ အပင်တွေတော့ တော်တော်စုံတယ် ။ မောင်ရင် ကြိုက်တာသာ သွားခုတ်ခဲ့ချည် .... ရော့ "

ဆိုပြီး မီးဖိုချောင်ထဲကနေ ဓါးမတချောင်းပေးလိုက်တယ်တဲ့။

ကဲ ပုံပြင်လေးကတော့ ဒါပါပဲကွယ်။ :)

အားလုံးပျော်ရွှင်ကြပါစေ။ မရီရလဲ နဲနဲတော့ ပြုံးလိုက်ပါနော်။ :P