Friday, September 11

အပင်အစုံရှိတယ်

ပူးတေ ငယ်ငယ်က ဖတ်ဖူးတဲ့ ကာတွန်းတွေထဲက (နံမယ်တော့ မမှတ်မိတော့ပါဘူး) ဟာသလေးတစ်ခုပါ။ မှတ်မိ သလို ပြန်ရေးလိုက်တာ

တခါက ရွာတရွာမှာ အမေအိုကြီးနဲ့ ကုန်သည် သားအမိနှစ်ယောက်ရှိတယ်တဲ့။ တနေ့သားဖြစ်သူ အလုပ်ကိစ္စနဲ့ အပြင်သွားနေတုန်း သားဖြစ်သူရဲ့  လုပ်ဖော်ကိုင်ဖက်တစ်ဦးက အမေအိုကြီးရှိရာ အိမ်ကိုရောက်လာတယ်တဲ့။ ဒါနဲ့ အမေအိုကြီးလဲ သားဖြစ်သူ မကြာမှီ ပြန်ရောက်လာမယ်ဆိုတဲ့ အကြောင်းနဲ့ သားဖြစ်သူပြန်အလာအား စောင့်လိုက စောင့်နိုင်ကြောင်း ပြောတော့ လူငယ်လဲ ချိန်းထားတဲ့အတွက် သူစောင့်မယ်လို့ ပြောလို့ နေရာပေးပြီး ဧည့်ခံထားလိုက်တယ်တဲ့။ ဧည့်သည်လူငယ်လဲ သူ့မိတ်ဆွေ လုပ်ဖော်ကိုင်ဖက် ပြန်လာလျှင် စာရင်းဇယားတွေလုပ်မှာ ဖြစ်လို့ သူဒီအတိုင်းပဲ ထိုင်စောင့်နေမယ့်အစား ကြိုလုပ်ထားရင်ပိုကောင်းမယ်လို့ တွေးမိပြီး စာရင်းတွေလုပ်ဖို့ စာရွက်စာတမ်းတွေကို ထုတ်လိုက်တယ်တဲ့။ အဲဒီနောက် သူစာရင်းရေးဖို့ ဘောပင်ရှာတော့ ပါမလာတာသိလိုက်တယ်တဲ့။ ဒါနဲ့လူငယ်လဲ အိမ်နောက်ဖေးခန်းမှာ အလုပ်ရှုပ်နေတဲ့ အမေအိုကြီးဆီကို ၀င်သွားပြီး
လူငယ် : : " ကြီးမေခင်ဗျား .. ကျွန်တော့ကို ဘောပင်လေး တချောင်း လောက်"

အမေအို : : " မောင်ရင်ရယ် ဘောပင်လား ဘာပင်လဲတော့ မသိပါဘူးကွယ် ။ ကြီးမေ ခြံထဲမှာ အပင်တွေတော့ တော်တော်စုံတယ် ။ မောင်ရင် ကြိုက်တာသာ သွားခုတ်ခဲ့ချည် .... ရော့ "

ဆိုပြီး မီးဖိုချောင်ထဲကနေ ဓါးမတချောင်းပေးလိုက်တယ်တဲ့။

ကဲ ပုံပြင်လေးကတော့ ဒါပါပဲကွယ်။ :)

အားလုံးပျော်ရွှင်ကြပါစေ။ မရီရလဲ နဲနဲတော့ ပြုံးလိုက်ပါနော်။ :P
Posted by ဧပရယ်လ်ပူး@ပူးတေ at 1:01 PM
Labels:

No comments:

Post a Comment

Subscribe to: Post Comments (Atom)